ByMilesios
Milesios en Balboa
O próximo venres día 3 de xuño, Milesios actúa na Palloza de Chis, en Balboa (O Bierzo), dentro da Festa de solidaridade co pobo Mapuche que organiza Aukaché. A festa comeza ás 21:30 e a organización pide un donativo solidario de 3€ para o pobo Mapuche. Mais información.
ByMilesios
5380 votos: 5380MILGRAZAS
GRAZAS A TOD@S @S QUE VOTASTES PARA FACER POSIBLE QUE MILESIOS VAIA A ORTIGUEIRA. Agora só queda agardar a decisión do xurado, que será publicada na web do festival o día 31 de maio.
ByMilesios
Reportaxe en “El Progreso”
O xornal “El Progreso” publica hoxe na páxina 18 da súa edición impresa unha reportaxe sobre o grupo Milesios. Tamén se pode acceder á información na súa edición dixital.
ByMilesios
Grazas polo apoio no Runas
Queremos agradecer unha vez máis o voso apoio votando para que esteamos en Ortigueira e queremos recordarvos que a votación non remata ata o día 23 de maio ás 18 horas, que hai aínda case unha semana de votación e que hai grupos que veñen moi forte detrás de nós, para non falar dos que xa nos pasaron hai uns días ;), así que xa sabedes… seguimos precisando do voso apoio ata o remate. A páxina bloqueará a IP só durante unhas horas, PODEDES VOTAR VARIAS VECES CADA DÍA :).
E se imos a Ortigueira… festa rachada no Sagitario en Castro R. de Lea. Seguídevos informando. Podedes seguirnos en Twitter, Facebook e neste blog. MILGRAZAS!
ByMilesios
Excepcional Con do Moucho!
Magnífica noite de festa na Illa. Grazas a tod@s @s presentes e grazas ao Con do Moucho! Con xente así é doado pensar en volver a visitarvos, ainda que sexa longo o camiño desde a Chaira.
ByMilesios
Vémonos no Con do Moucho
O próximo luns 16 de maio, ás 12 da noite, comezando xa o Día das Letras, estaremos no Con do moucho, na illa de Arousa. Estamos moi ilusionados coa actuación neste local emblemático e nesta data sinalada, e agardamos que disfrutedes da nosa música.
Por outra banda, lembrámosvos que ata o día 23 de maio seguimos no proceso de votación do Proxecto Runas para ser seleccionados para o Festival de Ortigueira. Moitas grazas ao Con do moucho pola súa colaboración na votación http://ir.gl/fd8ab7.
ByMilesios
Vota a Milesios para Ortigueira!
Milesios pode ser un dos tres grupos seleccionados para participar no festival de ortigueira deste ano dentro do proxecto Runas. De momento, o grupo foi seleccionado con outros dez grupos para a segunda fase de selección, na que interveñen os internautas cos seus votos. Por iso vos pedimos que accedades á páxina Runas 2011 e votedes polo noso grupo. A votación limita a túa IP durante un tempo indefinido, pero non permanentemente, e está aberta ata o 23 de maio ás 18:00. É DICIR: PÓDESE VOTAR TODOS OS DÍAS ATA ESA DATA ;). Os votos dos internautas supoñen un voto nun xurado de 5 membros composto por músicos, técnicos e axentes musicais. Moitas grazas polo voso apoio! PODES VOTAR NO SEGUINTE ENDEREZO: http://ir.gl/fd8ab7
ByMilesios
Días de gravación
A pasada semana, Milesios pechouse no local de ensaio con moitos ánimos e certos víveres para gravar cinco temas para unha maqueta. Despois de moitas horas de duro traballo, e isto non é nengunha metáfora, conseguimos facer algo audible. Nos próximos días será enviada a un estudo profesional para a mestura e masterización, pero para que vos vaiades facendo unha idea do que pode ser, ofrecémosvos a posibilidade de escoitar uns segundos da peza de composición propia Flooktuacións. Agardamos que vos guste. Non dubidedes en deixar comentarios sobre o que escoitades!
ByMilesios
Bartolo’s Copperplate no Clavi
Unha das pezas que acompañan a Milesios desde os inicios é esta Muiñeira de Bartolo, tradicional da zona do Eo-Navia, seguida dun reel irlandés que leva por título The Old Copperplate. No vídeo podemos ver a interpretación desta peza no club Clavicémbalo de Lugo o pasado 7 de abril.