Blog

ByMilesios

Un agasallo especial para un concerto especial

O próximo día 1 de abril visitamos a casa-museo de Manuel María para ofrecermos, ás oito da tarde, un concerto no que presentaremos o noso novo libro-CD “indoevindo“. Para conmemorarmos esta visita, agasallaremos a cada un dos asistentes con unha fotografía orixinal de Daniel Díaz Trigo, das incluídas no libro-CD. Trátase dunha fotografía copiada con tintas pigmentadas en papel de conservación Hahnemühle Photo Rag Satin 310 g. De cada fotografía editouse unha tirada única de 25 exemplares en 10x15cm numerada e asinada polo autor.

ByMilesios

Casa-museo Manuel María

O sábado 1 de abril, Milesios abre un novo ciclo dos Concertos na Intimidade, “de corazón a corazón”, no auditorio da Casa-Museo Manuel María. Para nós é un concerto especial e agradeceríamos a vosa presenza nese auditorio único. A partir das 20 horas presentaremos os temas do noso máis recente traballo, Indoevindo. Nel poñemos música ao poema de Manuel María Anceio, do poemario Advento (1954).

ByMilesios

Moita festa na Chave das noces

Desfrutamos onte tocando en Castroverde no local da asociación “A chave das noces”. Tivemos unha excelente acollida por parte dos membros da asociación e tamén por parte dos visitantes, que bailaron as nosas pezas. Moitas grazas!

ByMilesios

A chave das noces

O próximo venres 24 de marzo, ás dez da noite, presentamos o noso disco “indoevindo” no Centro social e Asociación cultural “A chave das noces” (Castroverde).

ByMilesios

Desfrutamos da Feira de Monterroso

Moitas grazas ás persoas que asistiron á presentación do noso “indoevindo” na II Feira do libro e o disco galego en Monterroso. Moitas grazas tamén a aquelas persoas que compraron o noso libro-CD para poder desfrutar das fotografías de Daniel Díaz Trigo e a nosa música. Vémonos na próxima!

ByMilesios

Indoevindo en Somos quen

Onte estivemos de novo pola Radio Galega. Desta vez, cos amigos do programa Somos quen. Se non puidestes escoitarnos, sempre podedes acceder ao podcast.

milesios en somos quen o 12 de marzo de 2017

ByMilesios

II Feira do disco e o libro galego

Presentamos indoevindo na II Feira do disco e o libro galego de Monterroso o próximo sábado 18 de marzo ás 19:15.

ByMilesios

Grazas…

… a todos os que viñestes á presentación do noso indoevindo. Até a próxima!!

ByMilesios

Indoevindo no Lubicán

O ciclo Lubicán comezará este ano 2017 co concerto de presentación do novo libro-disco de Milesios, acompañado das paisaxes que se repiten, sempre distintas indo e vindo, fotografiadas por Daniel Díaz Trigo.

 

ByMilesios

Presentamos indoevindo

O próximo venres 24 de febreiro presentamos en Lugo o noso novo disco: indoevindo. Será ás nove da noite na Casa do Saber (en fronte da fachada principal da catedral) e será un concerto especial no que presentaremos a nosa música e as fotografías de Daniel Díaz Trigo.