Blog

ByMilesios

Moita festa no Moucho!

Non podía ser mellor a acollida na illa! Foi chegar e atopar quen nos levase directos ao Moucho, montamos, probamos e despois dun pequeno descanso para picar algo… gran festa con un público excelente que animou a noite en todo momento. Moitas grazas a Nelo, Guille e tod@s @s presentes.

ByMilesios

Novo destino… a illa: o Con do Moucho

Este sábado 4 de maio, a partir das 23:55 estaremos no Con do Moucho, na illa de Arousa, presentando o noso CD Alén mar.

ByMilesios

De festa no Torreiro…

Moitas grazas aos que nos acompañastes onte noutra agradable presentación de Alén mar.

ByMilesios

Este sábado… o torreiro da festa

O próximo sábado 27 de abril, a partir das 23 horas, estaremos en Vigo na sala O torreiro da festa presentando o noso disco Alén mar. A entrada custa 3€, pero poderás aproveitar unha oferta especial se mercas o CD. Vémonos aló!

ByMilesios

Fin de semana radiofónica

O próximo venres 12 de abril, entre 4 e 5 da tarde, estaremos no programa Folk in trío da Cuac FM, a radio comunitaria da Coruña, e o domingo, entre 11 e 12 da mañá visitaremos o programa Somos quen, da Radio Galega. Podedes escoitar os programas en directo premendo nas imaxes de abaixo.

PODCAST de FOLK IN TRIO 12-04-2013

 

ByMilesios

Vídeo oficial de Alén mar

Xa está publicado o vídeo oficial do noso disco Alén mar. Foi escrito e dirixido por Norberto Leivas e contou coa colaboración dos actores Pablo Araújo e Suso Villarino. Agardamos que sexa do voso agrado.

ByMilesios

Día de san Patricio con Emilio Españadero

Así foi o programa de Lume na Palleira no que presentamos o noso disco Alén mar

 

ByMilesios

De volta do Marrucho

Pois xa estamos de volta da arribada. Despois dunha noite de presentación de Alén mar no Marrucho, hoxe comemos algo de choripán, empanada, tortilla, marruchos, tamén bebemos algo e desfrutamos da festa. De novo moitas grazas, Baiona!

ByMilesios

…e como consigo Alén mar de Milesios?

Claro, xa pasou a presentación de Milesios e non puideches vir… non te agobies, temos un disco de Milesios que ten o teu nome escrito. Podes mercalo en calquera dos concertos da nosa xira de presentación por tan só 10 €. Pero se teimamos en facer os concertos xusto cando ti non podes vir, sempre podes pedirnos o CD por correo electrónico e recibirás o teu disco por correo ordinario, despois de ingresar 12 € na nosa conta. Sí, é algo máis caro, pero parece que o servizo de correos tamén quere gañar algo co noso CD. Vale a pena disfrutar do deseño do disco, unha gran obra de Daniel Díaz, así que che recomendamos que merques o disco físico. Non obstante, é moito máis doado escoitalo online ou baixar os mp3. Se esa é a opción que prefires, podes utilizar os servizos de itunes, amazon ou spotify.

                                

ByMilesios

Moitas grazas por nos acompañardes

Onte era un día ben importante para nós. Estabamos desexando presentar ao público o noso traballo destes últimos meses… e o público respondeu extraordinariamente á nosa convocatoria. Obrigados quedamos con cada un dos que asististes ao concerto e con cada un dos colaboradores.