ByMilesios
Estaremos no San Froilán!
Segundo publica a páxina do Concello de Lugo, Milesios actuará o próximo día 7 de outubro na praza da Horta do Seminario, dentro da programación das festas de San Froilán. Queremos manifestar o noso agradecemento a todas aquelas persoas que propuxeron o nome de Milesios e á concellería de Cultura por confiar na nosa aportación musical, así como a de outros moitos grupos musicais lucenses e galegos. Agradecemos tamén á concellería de Cultura que nos brinde a oportunidade de compartir escenario cun grupo cunha traxectoria tan ampla e chea de éxitos como Berrogüetto. Esperamos vervos a tod@s alí.
Milesios administrator
Milesios nace a comezos do verán de 2009. Un grupo de amigos reúnense para poñer a nota tradicional no Penela Rock, unha cita anual da comarca monfortina. Úneos o seu interese pola música tradicional galega e irlandesa. Desde esa data actuaron en numerosos festivais: Rabafolc 2010, Festival celta máis pequeno do mundo, San Froilán 2011, 2013, 2015 e 2017, Noite Celta de Porcía 2012, Pardiñas 2012, Festival 27373 2014, Festival da Chaira 2013 e 2018, Sons da Celtibéria 2017, compartindo escenario con grupos como Berrogüetto, Capercaillie, Coetus, Kepa Junquera, Pepe Vaamonde Grupo, Quempallou ou Tiruleque. Tamén tocaron en locais de música en directo, como A Repichoca de Coruña, Marrucho de Baiona ou Clavicémbalo de Lugo. En 2011 foron un dos 10 finalistas do Proxecto Runas do Festival de Ortigueira. En 2015, foron premiados no III Certamen “Folk en la Sierra – FIS 2012”, ex aequo con BOC, de Baleares, e Menaya de Soria.
1 Comment so far
milesiosPosted on11:14 a.m. - Out 8, 2011
Moitas grazas pola acollida! Foi un pracer tocar no S. Froilán.
About the author