ByMilesios
Gravación concluída
Rematamos agora a gravación do novo disco de Milesios, que levaba xa uns anos á espera de tempo para este labor. Moi bo traballo de Iván Ferro en Kollapse Studio. Aínda por facer as mesturas, pero nuns meses estará dispoñible.
ByMilesios
Homenaxe a membros de Fuxan
Hoxe participamos nunha emotiva homenaxe a Carme Vázquez, Pepe Vázquez e Xosé Luís Freire, organizado pola asociación Agarimo en Palas de Rei. Un pracer.
ByMilesios
Muralleando
Grazas a quen se achegou á Mosqueira a desfrutar da nosa actuación. Un pracer.
ByMilesios
De novo o San Froilán
Foi na Horta do Seminario e rematando xa as festas. Moitas grazas por virdes.
ByMilesios
San Froilán 2019
Foi para nós un concerto especial. Unha fin de xira perfecta para o noso disco “indoevindo” e serviu de presentación tamén do que será o noso novo disco que celebra os dez anos de Milesios. Moitas grazas!
ByMilesios
De tabernas por Vilalba
Onte estivemos por Vilalba, con Malvela e a Companhia do Ruído, pechando o concurso de cantos de Taberna. Agradecidos ao público e á organización.
ByMilesios
Bolao Folk
Todo un pracer contar coa participación entusiasta do público no festival Bolao Folk de Cóbreces esta finde. A pesar da choiva continua, o público non cesou de bailar e dar palmas todo o concerto. Tamén un pracer compartir escenario con Mariu Torre, Corquiéu e La Tarrancha. Agradecidos á organización por contar con nós nesta cita.
Milesios nos cantís do Bolao despois do Festival.
ByMilesios
Obrigados, Friestas!
Foi un pracer participarmos nos Serões n’Aldeia da Freguesia de Friestas. Agradecidos ao público e á organización.